CLUB DE LECTURA
O Equipo de Dinamización do "Xardín do Pasatempo" proponnos ao alumnado de sexto realizar un Club de lectura.
Podédesvos apuntar de forma voluntaria e realizárase os martes na hora de ler.
O libro que nos propoñen para esta marabillosa actividade é KUSUMA do autor Héctor Cajaraville da Editorial Xerais. Ten o premio Merlín de Literatura Infantil, 2018.
Aquí tedes información sobre o libro:
Kusuma é unha faisán femia procedente da remota selva de Kaltim, que se
ve obrigada a marchar do lugar en que sempre viviu debido á acción
destrutiva do ser humano. Co obxectivo de buscar un futuro mellor para
ela e mais a rolada de pitiños que agarda, cruza medio mundo ata chegar a
Galicia.Pero alí as cousas non van ser doadas: a desconfianza da maior
parte dos animais da fraga en que se instala, o medo ao diferente e ao
que vén de fóra, obrigará a Kusuma a demostrar o seu valor e o seu
dereito a ser unha máis na terra de acollida.''Kusuma'' é unha historia
de aventuras, de cooperación, de superación e de amizade; un exemplo de
como os prexuízos con que ás veces nos enfrontamos ao descoñecido son o
camiño máis enganoso e máis inxusto para tratar de entender o mundo.
Podedes pedir o libro como agasallo neste Nadal para empezar a ler en xaneiro no Club de lectura.
No hay comentarios:
Publicar un comentario