O DÍA DA PAZ

Celebramos o Día da Paz o mércores 30 de xaneiro, dedicado a conmemorar nas escolas unha cultura de non violencia e Paz.

Participamos con toda a Comunidade Educativa, fixemos o Disco de Newton ou "Zumbador", mesturando cores para procurar a cor branca da Paz. Tamén cantamos e bailamos a canción "O mundo é grande" de Mamá Cabra.

Dentro da nosa aula estivemos preparando o Día da Paz realizando uns traballos, de forma grupal, sobre personaxes importantes para que hoxe en día teñamos unha sociedade onde tódolos homes e mulleres teñamos os mesmos dereitos e mais respecto entre eles.

Na escola adoitamos procurar cada día estes valores: tolerancia, respecto, non violencia...

                  

                  



                        

EXPOSICIÓN TRABALLO PDI "BO PROVEITO" 1º TRIMESTRE

O mércores 16, o alumnado de 5º e 6º expuseron o traballo realizado durante o 1º Trimestre. 

Estiveron a estudar e analizar varios cadros que representaban as distintas etapas da Historia, tendo como marco o tema deste ano do PDI "Bo Proveito".

Aquí vos deixo un video.

                  

VISITA DA GARDA CIVIL. INTERNET

O luns, 14, visitounos un representante da Garda Civil para tratar o tema dos posibles problemas cos que nos podemos atopar ao facer uso de Internet, Redes Sociais, xogos en liña...

         

         

PROXECTO INTERCENTROS   "O SISTEMA SOLAR"

Cando voltamos do Nadal, tiñamos esperándonos o correo do Proxecto Intercentros "O sistema solar" de 4º, 5º e 6º de primaria. Recibimos unha carta do Sol e de cada un dos planetas que xiran arredor del. Despois de léelo todos xuntos, expuxérono para toda a Comunidade Escolar.

Aquí tedes un vídeo da lectura e exposición desta correspondencia interplanetaria.

                    

Despois deste 1º trimestre tan ocupado, queda continuar no 2º trimestre con novas neste Proxecto.

Nas aulas de 4º investigarán a relación da mitoloxía e os planetas, nas aulas de 5º elaboraran libros de lapelas en pequeno grupo sobre diversos aspectos do sistema Solar, mentres o alumnado de 6º centrarémonos nunha análise máis técnica: tamaño, densidade, distancias, órbita, escalas...

Ánimo "plutonianos"!!!!!!

 

CENTROS PARTICIPANTES

     En Ferrol:

O Sol: CEIP “Ferrolterra” 

Mercurio: IES “ Saturnino Montojo” 

Venus: IES “ Sofía Casanova” 

Terra:  CEIP “ Recimil”

 Marte:  CEIP “ Esteiro” 

Xúpiter:  IES “ Canido”

Saturno:  IES “Catabois”

     En Narón:

Urano: IES "As Telleiras" 

     En Neda:

Neptuno: IES "Fernando Esquío"

     En Pontedeume:

Plutón: "CEIP Couceiro Freijomil"