O
mércores tivemos unha sesión de Filosofía.
Tivemos
como base o óleo “Muchachos subiendo a un árbol” de Francisco
Goya, pintado a fins de 1791. Na imaxe vemos a tres raparigos
tratando de subir a unha árbore. Un deles agáchase para que outro
poida apoiarse nel, e o terceiro empúxalle por detrás.
Mostrábasenos
o cadro só a anacos até descubrilo todo. Debiamos ir
contestando preguntas do tipo:
- Que
vedes?, Coidades que son nenos/as actuais? Por que?,
Que poden estar facendo?, Onde pensades que poden estar?, Como cres
que se senten?, E agora que vedes?, Que poden estar facendo? Por
que?, Onde pensades que poden estar?, Que credes que senten agora?
…..
A
continuación , pasamos ás habilidades de Razoamento.
Algunhas
das opinións dos alumnos foron:
- Cada idea que diciamos por moi
imaxinativa que fose achegaba algo e nos facía reflexionar ao resto.
- Dixésemos o que dixésemos
estaba ben xa que era nosa opinión.
- Cantas máis opinións dábanse
máis fácil resultaba adiviñar como era o cadro.
- Todos respectabamos e iso
axúdonos a esperar e ter paciencia para expresar o que sentiamos
- Estivo moi ben e teño ganas
de repetir esta actividade…..
Saíron
palabras sobre as que tamén opinamos e debatemos como:
compañeirismo, empatía, axuda, colaboración, confianza,
seguridade…
Ao
final tiñamos que realizar a avaliación escollendo
entre tres imaxes do autor Keith Haring e dicir con cal
desas imaxes representaba mellor as nosas sensacións nesta
actividade.
Foi
unha sesión moi aproveitada e divertida!!!
No hay comentarios:
Publicar un comentario